Keshe Qazaqstan Respýblıkasynyń Premer-Mınıstri Baqytjan Saǵyntaev Ulybrıtanııanyń memlekettik syrtqy ister mınıstri Alan Dankanmen kezdesý ótkizdi, dep habarlady Premer-Mınıstrdiń baspasóz qyzmeti.
Kezdesý barysynda saýda-ekonomıkalyq, quqyqtyq, mádenı-gýmanıtarlyq salalarda, sondaı-aq kólik, tranzıt jáne azamattyq avıasııa salalaryndaǵy ekijaqty yntymaqtastyqty nyǵaıtý máseleleri talqylandy.
Aıta ketý kerek, Ulybrıtanııa Qazaqstanǵa salynǵan tikeleı ınvestısııalar kólemi boıynsha 6-orynda (12,27 mlrd dollar) jáne ózara saýda kólemi boıynsha 14-orynda tur.
2017 jyldyń birinshi jartyjyldyǵynda ózara saýda kólemi 647,4 mln AQSh dollaryn quraǵan, bul ótken jyldyń kórsetkishinen 16%-ǵa joǵary (543,6 mln dollar). 2016 jyldyń qorytyndysy boıynsha ózara saýda kólemi 1,26 mlrd dollarǵa jetken.
Qazaqstanda brıtandyq úlestiń qatysýymen 800-den astam zańdy tulǵa, bólimsheler men ókildikter tirkelgen. 2005 jyldan bastap 2017 jyldyń 1-toqsany aralyǵynda Ulybrıtanııadan Qazaqstanǵa kelip túsken tikeleı ınvestısııalardyń jalpy túsimi 12 278,2 mlrd AQSh dollaryn qurady.